Ամանորյա քանի՞ ոչ աշխատանքային օր կլինի այս տարի

59

«Տոների և հիշատակի օրերի մասին» օրենքը սահմանում է Հայաստանի Հանրապետությունում նշվող բոլոր տոնական և հիշատակի օրերը:

Iravaban․net-ը հայտնում է՝ քանի ոչ աշխատանքային օրեր կլինեն առաջիկա տոնական օրերի ընթացքում։

Ոչ աշխատանքային կլինեն ինչպես դեկտեմբերի 31-ը, այնպես էլ հունվարի 1-ը, հունվարի 2-ը և 6-ը: Նշենք, որ դեկտեմբերի 31-ը շաբաթ օր է, հունվարի 1-ը՝ կիրակի, իսկ 2-ը՝ երկուշաբթի։ Սուրբ Ծնունդը կնշվի ուրբաթ օրը։

Բանակի օրը նշվելու է հունվարի 28-ին և այն ոչ աշխատանքային օր է:

Սուրբ Ծննդյան և Հայտնության տոնին հաջորդող` Մեռելոց հիշատակի օրը նշվում է հունվարի 7-ին։ Այն աշխատանքային կլինի, եթե կառավարությունը այլ որոշում չընդունի։

Ի դեպ, աշխատանքային օրենսգրքի համաձայն՝ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ և ոչ լրիվ աշխատանքային ժամանակի պայմաններով աշխատող աշխատողների: