Ինդոնեզական Սումատրա կղզու ափերի մոտ 6 մագնիտուդ ուժգնությամբ երկրաշարժ է տեղի ունեցել։ Այս մասին հայտնում է ՏԱՍՍ գործակալությունը՝ Եվրոպական-միջերկրածովյան սեյսմոլոգիական կենտրոնին հղումով։
Կենտրոնի տվյալներով՝ էպիկենտրոնը գտնվել է մոտ 209 հազար բնակչություն ունեցող Պեմաթանգսիանտար քաղաքից 153 կմ հարավ-արևմուտք։ Օջախը եղել է 80 կմ խորության վրա։
Տուժածների մասին տեղեկություններ չեն հաղորդվել։
