Երեկ՝ մարտի 12-ին, ավտովթար է տեղի ունեցել Երևանում։ Ժամը 21:20-ի սահմաններում Երևանի բնակիչ, 27-ամյա Արտյուշա Սարգսյանը իր վարած Mercedes մակնիշի ավտոմեքենայով Հյուսիս-հարավ նոր կառուցվող ճանապարհահատվածում՝ դեպի Իսակովի պողոտա ընթանալիս, բախվել է բազալտե եզրաքարին, անցել հետիոտնի համար նախատեսված հատված ու բախվել քարերին։ Գրել է Շամշյանը։
Վթարի հետևանքով վարորդը մարմնական վնասվածքներով տեղափոխվել է Էրեբունի բժշկական կենտրոն։
Վթարի փաստով քննչական բաժնում նախաձեռնվել է քրեական վարույթ։
