Ճիշտ Է, Համագործակցությունը Հիմա Դադարել Է, Բայց… Անդոն՝ Ռաֆոյի Հետ Չհամագործակցելու Եւ «Հորանց Տուն»-Ը Սիթքոմի Նոր Եթերաշրջանի Մասին

«La casa de papel»՝ «Հորանց տուն»-ը հումորային սիթքոմի առաջին եթերաշրջանի ավարտին մնացել են հաշված օրեր: Այս մասին  ասել է դերասան, նախագծի հեղինակ Անդրանիկ Հարությունյանը (Անդոն):

«Առաջին եթերաշրջանը նախատեսվում է 24 սերիա ցուցադրել, դեռ հեռարձակվել է ընդամենը 17 սերիա: Հիմա գնում ենք նրան, որ նկարահանենք երկրորդ եթերաշրջանը:  Առաջին եթերաշրջանի ավարտից մեկ ամիս անց եթերում կլինի նաեւ երկրորդ երթերաշրջանը, կրկին մեր յութուբյան՝ «Deputati show»-ի ալքով: Կրկին գործընթացը շարունակվելու է «US Armenia»-ի հետ»,-նշում է Անդոն:

Դերասանը մեզ հետ զրույցում ընդգծում է, որ նույն՝ «Հորանց տուն»-ը սիթքոմի թիմով սպասվում է հետաքրքիր բեմադրություն, շոու-ծրագիր, ինչպես նաեւ սպասվում է մեծ շրջագայություն:

«Շրջագայությունը կլինի Ամերիկայի Միացյալ Նահանգներում, Եվրոպայում եւ Հայաստանում․ կարծում եմ շատ երկար կխաղանք այդ ներկայացումը»,-նշում է նա:

Այն հարցին, թե վերջին շրջանում Անդո եւ Ռաֆո զույգը կարծես սկսել է միմյանց հետ չհամագործակցել, եւ արդեն իսկ հանդես են գալլիս առանձին նախագծերում: Ճի՞շտ է այն տեղեկությունը, թե նրանք այլեւս ցանկություն չունեն միասին հանդես գալու:
«Անդո , Ռաֆո, եւ էլի  ճանաչված որեւիցե մի երգչի հետ կներկայացնենք դուետ, հենց «Deputati show»-ի երգերից: Չենք համագործակցում, քանի որ Ռաֆոն անում է իր շոուն մեր ալիքով, ես էլ անում եմ «La casa de papel»-ը: Ճիշտ է, համագործակցությունը հիմա դադարել է, բայց  սկսվելուն պես անպայման տեղեկություններ կլինեն, քանի որ երկու դուետ առաջիկայում արդեն սպասվում է, այս պահին արդեն իսկ գտնվում ենք գործընթացի պատրաստման մեջ»,-եզրափակում է դերասանը: