Անհայտ անձինք վթարել են Շորշոր-Երեւան ջրատարը. փետրվարի 23-ին վթարային ջրանջատում Երեւանում, Արմավիրում եւ Կոտայքում

«Վեոլիա Ջուր» ընկերությունը տեղեկացնում է իր հաճախորդներին եւ սպառողներին, որ փետրվարի 22-ին ժամը 20.00-ի սահմաններում Երեւան — Աշտարակ մայրուղու հարեւանությամբ անհայտ անձանց կողմից վթարվել է Շորշոր – Երեւան մայրուղային ջրատարը:

Նշված վթարի վերացման աշխատանքների հետ կապված, փետրվարի 23-ին ժամը 10.00-18.00 կդադարեցվի Երեւանի Հաղթանակ թաղամասի, Սիլիկիան թաղամասի 4-13 փողոցների, Արմավիրի մարզի Մերձավան գյուղի եւ Կոտայքի մարզի Պռոշյան գյուղի 5-րդ փողոցի՝ իր նրբանցքներով ջրամատակարարումը:

Ընկերությունը հայցում է սպառողների ներողամտությունը պատճառված անհանգստության եւ կանխավ շնորհակալություն հայտնում ըմբռնման համար: