Կո՛չ խենթերին՝ եղե՛ք պատրաստ զինվելու և կերտելու մեր հերթական հերոսական էջը՝ թշնամուն վռնդելով Սյունիքից

«Հայոց Արծիվներ. Միասնական Հայաստան» կուսակցության փոխնախագահ Արայիկ Պարոնյանը ֆեյսբուքյան իր էջում գրել է.
Հայոց պատմությունը պատերազմների մի անավարտ Գիրք է, որի թերթերը մարտի դաշտեր են, էջերը՝ ռազմաճակատներ, իսկ տողերը գրված են հանուն Հայրենիքի իրենց կյանքը զոհած մեր սուրբ նահատակների արյամբ:
Ցավոք, այդ գրքում, բացի հպարտության ու հաղթանակների էջերից, մենք ունենք և ամոթի ու խայտառակության էջեր:
Ուշադիր ուսումնասիրելով այդ էջերը՝ կտեսնեք, որ մեր հաղթանակները միշտ էլ մեզ պարգևել են խենթերն՝ իրենց հայրենասիրական նվիրումով, ովքեր, առաջինը զգալով ազգի կորստյան վտանգը, զենք են վերցրել, պայքարել, հաղթել և հերոսական պատմություն կերտել:
Այսօր, երբ վտանգված է Սյունիքը, մենք կո՛չ ենք անում մեր սրբազան խենթերին, ովքեր գիտակցում են, որ Սյունիքի կորստով մենք փակելու ենք Հայոց պատմության վերջին էջը, լինել պատրաստ զինվելու և կերտելու մեր հերթական հերոսական էջը՝ թշնամուն վռնդելով Սյունիքից:
«Հայոց Արծիվներ. Միասնական Հայաստան» կուսակցության փոխնախագահ
Արայիկ Պարոնյան